https://vk.com/wall-149338145_17290 

Преподобная Васса (в миру носившая имя Мария) была полна самоотвержения во имя любви к мужу (пресвитеру Иоанну), детям и ближнему. Но выше этого у нее была любовь ко Господу. Ей молятся о семейном благополучии и благочестии. Семейная молитва имеет особую силу, она угодна Богу, так как цель её – оберечь родителей и детей, привести их к тому, чтобы семья пребывала в мире и духовном единении. Пресвитер Иоанн принял монашество с именем Иона после смерти супруги. Чета святых усердно молилась Господу.  День памяти преподобного Ионы -29 марта/11 апреля, а преподобной Вассы — 19 марта/ 1 апреля.

Молитва преподобной Вассе Псково-Печерской

О, всехвальная и преподобная мати наша Вассо! Сосуде Богом избранный, и аки каменьми драгоценными добродетельми украшенный! Обители Псково-Печерския красото и славо: жития иноческаго утверждение и правило. К тебе ныне припадаем и со слезами колена сердца нашего пред ракою мощей твоих преклоняем, мощи твоя любезно чествуем и вельми радуемся, зряще благоуханное и праведное тело твое, никогда же покидающее ны, но на всяк день и час в честней раце пребывающее, во граде и обители сей на радость верным. Темже из глубины души к тебе взываем: внемли недостойным молением нашим: услыши глас сирых рабов твоих, в горцех прошениих к тебе приникших, исполни их скоро.

Буди любящая мати к скорбящим чадом и прошения наша скоро вознеси в Небесное Царство, к подножию ног Господа и Спасителя нашего. Ты в благочестии и вере воспитанная, даруй нам, да и мы твердо держим веру нашу православную и благочестием украшаемся. Ты супружницею благоговейнаго Иоанна ставшая и во браце спасение почерпшая, егда же супруг твой пресвитером соделася добре стадо свое управляя, тогда ты в пастырских трудех ему усердно помогаше житием твоим праведным, яко звезда сияя в нощи греховней сущим, и скорби и радости его непрестанно разделяя! Сего ради и всем сущим в брачнем житии, помози спасение улучити, в мире и единомыслии житие проводити, брак честен и ложе нескверно блюсти.

Ты брачному житию монашеское предпочетшая, на склоне лет твоих вместе с супружником твоим стопы в весь Печерскую к водам потока Каменца направившая, да тамо вкупе с преподобным подвижником Марком в делании иночестем подвизаетеся! Помози и нам нозе наша к добродетели направляти и всегда от прелести мира сего на спасительное делание тщатися, да омыют и наша беззакония и грехи спасительныя воды молитв и подвигов. Ты с супружником твоим вкупе чин монашеский приявшая и скорби жития иноческаго понесшая, даже до смерти твоея, тщаливо Богу работая, да стяжеши венцы небесныя!

Тропарь Преподобному Ионе Псково-Печерскому, глас 8

Я́ко свети́льницы, яви́стеся всесве́тлии/ в верте́пе Цари́цы Богома́тери,/ преподо́бнии отцы́ на́ши Ма́рко, Ио́но и Корни́лие,/ вы́ бо, кре́ст Христо́в на ра́мо взе́мше,/ усе́рдно Тому́ после́довасте/ и, чистото́ю Бо́гови прибли́жившеся,/ отону́дуже си́лами чуде́с обогати́стеся,/ те́м и мы́ любе́зно прибега́ем к ва́м и уми́льно глаго́лем:/ о преподо́бнии, моли́те Христа́ Бо́га/ спасти́ся душа́м на́шим.

Кондак  Преподобному Ионе Псково-Печерскому, глас 2

Христо́вою любо́вию уязви́вшеся, преподо́бнии,/ и Того́ кре́ст на ра́мо взе́мше,/ понесли́ есте́ Боже́ственне, вооружи́вшеся на неви́димыя враги́/ и непреста́нныя моли́твы, я́ко копие́, в рука́х иму́ще кре́пко,/ победи́ли есте́ бесо́вския ополче́ния,/ те́м зове́м ва́м:/ ра́дуйтеся, преподо́бнии отцы́ на́ши Ма́рко, Ио́но и Корни́лие,// ве́рных удобре́ние.

Преподобные Иона и Васса Псково-Печерские

• < Назад
• Вперёд >